एका निर्णयाने मृत्युला रोखलं भरधाव वेगाने कार अन रस्ताच गेला वाहून Video Viral

Viral video: कभी खुशी कभी नम हा ब्लॉकबस्टर चित्रपट २००१ साली आला होता. चित्रपटात अनेक उत्तम गाणी होती. पण या चित्रपटातील एकमेव गाणे लोकांना खूप आवडले होते ते म्हणजे ‘सूरज हुआ मद्धम.’

या गाण्याचे बोल अनिल पांडे यांनी लिहिले आहेत, तर संदेश शांडिल्य यांनी संगीत दिले आहे आणि हे सुपरहिट गाणे अलका याज्ञिक आणि सोनू निगम यांनी गायले आहे. ‘मैं ठहरा रहा जमीं चलने लगी.’ ही या गाण्यात एक ओळ आहे. आता तुम्हाला कदाचित आश्चर्य वाटत असेल की आम्ही तुम्हाला या ओळींबद्दल का सांगत आहोत? त्याच कारण असं की, सध्या सोशल मीडियावर एक व्हिडिओ व्हायरल होत आहे. हा धडकी भरवणारा व्हिडीओ पाहिल्यानंतर तुम्हालाही या गाण्याचे बोल आठवतील. हा व्हिडीओ पाहून खरंतर धक्काच बसत आहे.

एकदा निसर्ग कोपला की..

सोशल मीडियावर दररोज वेगवेगळ्या प्रकारचे व्हिडीओ व्हायरल होत असल्याचे तुम्ही पाहत असाल. यातील अनेक व्हिडिओ असे असतात जे पाहिल्यानंतर आश्चर्यचकित होतो. असाच एक व्हिडिओ सध्या सोशल मीडियावर व्हायरल होत आहे. माणूस हा निसर्गावर मात केल्याच्या कितीही बाता मारत असला तरीही निसर्गापुढे तो तोकडाच आहे. निसर्गाने व्यापलेले विश्‍व आणि त्यात मानवाचे स्थान यांचा विचार केला तर असे लक्षात येते की, निसर्गापेक्षा माणूस लहानच आहे. कदाचित त्याला काही प्रमाणात गर्व होत असला तरीही कधी तरी त्या गर्वाचे घर खाली होते. निसर्गाचा जबरदस्त फटका बसतो. तो निसर्गाच्या हातातले बाहुले असल्याचे प्रत्यंतर येते. एकदा निसर्ग कोपला की, त्याच्या पुढे मानवाचे काही चालत नाही. आपण अशा निसर्गाच्या अपघाताच्या बातम्या नेहमीच वाचत असतो. असाच एक धक्कादायक व्हिडीओ सध्या व्हायरल होत आहे.

एका निर्णयानं मृत्यूला रोखलं

व्हायरल होत असलेल्या या व्हिडिओमध्ये तुम्हाला एक कार रस्त्यावर येताना दिसत आहे. सुरुवातीला व्हिडिओ सामान्य दिसत आहे. पण काही वेळाने व्हिडीओमध्ये तुम्हाला झाडे, माती आणि जमिनीचा ढिगारा रस्त्याच्या डाव्या बाजूने मधल्या रस्त्यावर वाहत येताना दिसत आहे. हे पाहिल्यानंतर गाडी चालवणारी व्यक्ती गाडी थांबवते, कार चालक जरा जरी पुढे गेला असता तर कदाचीत तो ही वाहून गेला असता. दरम्यान दुरचा हा धोका ओळखून घेतलेल्या निर्णयामुळे कारचालक थोडक्यात बचावल्याचं दिसत आहे. मुसळधार पावसानंतर भूस्खलनामुळे हे अनेकदा दिसून येते.

पाहा व्हिडीओ –

अवघ्या ५ सेंकदात मृत्यूनं गाठलं; संपूर्ण कुटुंब वाहून गेलं मात्र, ‘हा’ एक व्यक्ती मृत्यूच्या दाढेतून कसा बाहेर आला बघा

दरम्यान व्हिडिओच्या पार्श्वभूमीत गाणे वाजते आहे, त्याची ओळ ‘मैं थाहरा रहा जमीन चलने लागी’ आहे जी व्हिडिओमध्ये दिसत असलेल्या व्हिज्युअलमध्ये अगदी योग्य आहे. हा व्हिडिओ सोशल मीडियावर चांगलाच व्हायरल होत आहे. व्हायरल होत असलेला हा व्हिडिओ सोशल मीडिया प्लॅटफॉर्म एक्सवर @VnsAnuTi नावाच्या अकाऊंटसह शेअर करण्यात आला आहे. हा व्हिडिओ आतापर्यंत ४.५ लाखांहून अधिक वेळा पाहिला गेला आहे. यावर लोकांकडून अनेक मजेशीर कमेंट्सही येत आहेत. यावर कमेंट करताना एका यूजरने लिहिले की, ‘या रस्त्याची खरोखरच हालचाल सुरू झाली आहे असं वाटतं.’ तर आणखी एका युजरने कमेंट केली आहे की, जर तुम्ही निसर्गाशी खेळाल तर तुम्हालाही असेच परिणाम मिळतील. ‘मला कार मालकाचे वाईट वाटते, त्याला आता मागे फिरावे लागेल’, अशी प्रतिक्रिया आणखी एका युजरने दिली आहे.

Home