‘धर्मवीर २’ OTTवर झाला प्रदर्शित, कुठे पाहता येणार चित्रपट? जाणून घ्या.
Dharmaveer 2 on OTT: प्रवीण तरडे दिग्दर्शित ‘धर्मवीर २’ अवघ्या २८ दिवसांत ओटीटीवर रिलीज करण्यात आला आहे.
Dharmaveer 2 on OTT: प्रसाद ओक, क्षितीज दाते यांच्या महत्त्वाच्या भूमिका असलेला ‘धर्मवीर २’ ओटीटीवर प्रदर्शित झाला आहे. २०२२ मध्ये ‘धर्मवीर : मुक्काम पोस्ट ठाणे’ हा चित्रपट प्रेक्षकांच्या भेटीला आला होता. शिवसेनेचे दिवंगत नेते व ठाणे जिल्हाप्रमुख आनंद दिघे यांच्या जीवनावर आधारित हा चित्रपट हिट ठरला होता. त्यानंतर या चित्रपटाचा दुसरा भाग ‘धर्मवीर २ – साहेबांच्या हिंदुत्वाची गोष्ट’ २७ सप्टेंबर रोजी सिनेमागृहांमध्ये प्रदर्शित झाला होता. आता हा चित्रपट ओटीटीवर आला आहे.
प्रवीण तरडे (Pravin Tarde) दिग्दर्शित ‘धर्मवीर २’ चित्रपटात आनंद दिघेंची भूमिका अभिनेता प्रसाद ओक (Prasad Oak) आणि मुख्यमंत्री एकनाथ शिंदे यांची भूमिका क्षितिश दातेने (Kshitij Date) साकारली आहे. या चित्रपटाची निर्मिती मंगेश देसाई यांनी केली आहे. हा चित्रपट आधी ९ ऑगस्ट रोजी प्रदर्शित होणार होता, मात्र त्यावेळी महाराष्ट्रात अनेक ठिकाणी अतिवृष्टी झाली होती. राज्यातील अनेक भागांना पुराचा फटका बसल्याने या चित्रपटाचे प्रदर्शन पुढे ढकलण्यात आले होते.
चित्रपटगृहांमध्ये प्रदर्शित होऊन एक महिना होण्याआधीच ‘धर्मवीर २’ प्रेक्षकांना हा चित्रपट ओटीटीवर पाहता येणार आहे. प्रसाद ओक याने फेसबूकवर पोस्ट करून ‘धर्मवीर २’ ओटीटीवर रिलीज झाल्याची माहिती दिली आहे. ‘ज्यांनी कधीच नाही केली तत्वांशी तडजोड, अशा धर्मवीर दिघे साहेबांच्या हिंदुत्वाची आहे ही गोष्ट… पाहा धर्मवीर २ फक्त ZEE5 वर,’ अशी पोस्ट प्रसाद ओक याने केली आहे. ‘धर्मवीर २’ आता ओटीटीवर पाहण्यासाठी उपलब्ध आहे.
पाहा पोस्ट
‘धर्मवीर २’ चित्रपटाने बॉक्स ऑफिसवर दमदार ओपनिंग केली होती. पहिल्या दिवशी ‘धर्मवीर २’ ने पहिल्या दिवशी १.९२ कोटी रुपये कमावले होते. २०२४ मध्ये सर्वाधिक ओपनिंग करणारा हा मराठी चित्रपट आहे, असं निर्माते म्हणाले होते. तसेच सहा दिवसांत या चित्रपटाने १२.२८ कोटी रुपये कमावल्याची पोस्ट त्यांनी ३ ऑक्टोबर रोजी केली होती. या चित्रपटाने एकूण १५.५ कोटी रुपये कमावले, असे वृत्त सॅकनिल्कने दिले आहे.
Post navigation
