Maratha reservation – मराठ्यांना सरसकट कुणबी प्रमाणपत्र द्या, अशी मागणी करत मनोज जरांगे पाटील यांनी राज्यभर आक्रमक आंदोलन उभं केलं आहे. या मागणीला विरोधक केल्याने राष्ट्रवादी अजित पवार गटाचे नेते आणि राज्याचे कॅबिनेट मंत्री छगन भुजबळ विरुद्ध जरांगे पाटील असा संघर्ष निर्माण झाला आहे.
“आमदार आणि मंत्र्यांना भूमिका मांडताना काळजी घेण्याची तंबी दिली आहे, तर आता लगेच आरक्षणाचीही तंबी देऊन टाका. लगेच आरक्षण दिलं तर मी नाशिकमधूनच घरी जातो आणि तुमच्या सत्कारासाठी ट्रकभर गुलाल आणि फुलं आणतो. मराठ्यांची लाखो पोरंही आणतो. आणखी काय सन्मान पाहिजे तुम्हाला?” असं मनोज जरांगे पाटील यांनी अजित पवार यांना उद्देशून म्हटलं आहे.