“नशिबापुढे कोणाचंही चालत नाही”, निरोप समारंभात भाषण करताना स्टेजवर कोसळली अन्…, विद्यार्थीनीच्या मृत्यूचा थरारक VIDEO व्हायरल

“नशिबापुढे कोणाचंही चालत नाही”, निरोप समारंभात भाषण करताना स्टेजवर कोसळली अन्…, विद्यार्थीनीच्या मृत्यूचा थरारक VIDEO व्हायरल.

Student Died during Farewell Speech Video: विद्यार्थिनीचं ते भाषण ठरलं अखेरचं.. देशात अनेक वर्षांपासून हृदयविकाराच्या झटक्यानं होणाऱ्या मृत्यूंच्या घटनांमध्ये वाढ झाली आहे. या हृदयविकाराच्या झटक्यानं तरुण आणि मुलांसह अनेकांना आपले प्राण गमवावे लागले आहेत. याचे अनेक व्हिडीओ सोशल मीडियावर व्हायरलदेखील झाले आहेत. सध्या अशीच घटना धाराशिव येथील महाविद्यालयाच्या निरोप समारंभात घडली. ज्यात एका विद्यार्थिनीने भाषणादरम्यानच आपले प्राण सोडले. धाराशिव जिल्ह्यात घडलेल्या या घटनेने हळहळ व्यक्त केली जात आहे.

विद्यार्थीनीचा धक्कादायक व्हिडीओ येथे पाहा 

विद्यार्थीनीचा धक्कादायक व्हिडीओ व्हायरल (Female Student Died during Farewell Speech)

सोशल मीडियावर व्हायरल झालेल्या या धक्कादायक व्हिडीओमध्ये एक विद्यार्थीनी अगदी हसत खेळत महाविद्यालयाच्या निरोप समारंभात भाषण देताना दिसत आहे. परंतु, काळाने तिचा घात केला. भाषण देता देता अचानक ती स्टेजवरून खाली कोसळली. परंडा धाराशिव शिंदे महाविद्यालयात ही विद्यार्थीनी शिकत असल्याचे वृत्त आहे.

वर्षा खरात असे या विद्यार्थिनीचे नाव असून ती बीएससीच्या वर्गात शिक्षण घेत होती. कार्यक्रमादरम्यान वर्षा स्टेजवर भाषण करत होती. भाषण करत असताना अचानकच तिला भोवळ आली आणि खाली ती कोसळली. तातडीने तिला रुग्णालयात नेण्यात आले, मात्र डॉक्टरांनी तिला मृत घोषित केले. प्राथमिक माहितीनुसार, वर्षाच्या मृत्यूचे कारण हृदयविकाराचे असू शकते, मात्र अद्याप स्पष्ट कारण समोर आलेले नाही.

विद्यार्थीनीचा धक्कादायक व्हिडीओ येथे पाहा 

Home