crop insurance: या शेतकऱ्यांच्या खात्यात दोनदा पीकविमा जमा; शेतकऱ्यांचे बॅँक खाते गोठवण्याचा अधिकार विमा कंपनीला आहे का ?

मात्र तांत्रिक चुकीमुळे शेतकऱ्यांच्या खात्यात अतिरिक्त रक्कम जमा झाली. ती अतिरिक्त रक्कम गोठवण्यात आली आहे. मात्र कोणत्याही शेतकऱ्याचे बँक खाते गोठवण्यात आलेले नाही, असे कृषी खात्याच्या वरिष्ठ अधिकाऱ्यांनी सांगितले.

खरीप हंगामातील पीकविमा भरपाईचा निधी कंपनीकडून शेतकऱ्यांच्या खात्यावर जमा करण्यात आला. बीड जिल्ह्यातील शेतकऱ्यांच्या खात्यावर १२ कोटी ३५ लाख १३ हजार ३५८ रुपयांची रक्कम कंपनीने जमा केली.

हेहि वाचा – जमिनीचा नकाशा पहा आता मोबाईल वर

परंतु यातील काही शेतकऱ्यांच्या खात्यावर चुकून दोन वेळा रक्कम जमा करण्यात आली. ही चूक लक्षात आल्यानतंर कंपनीने तात्काळ बँकांना ही रक्कम गोठवण्याच्या सूचना दिल्या. बँक खात्यावर रक्कम दिसतेय, परंतु ती काढता मात्र येत नाही, असा अनुभव अनेक शेतकऱ्यांना आला.

त्यांना विमा कंपनीच्या या तांत्रिक चुकीची सुरूवातीला काहीच कल्पना नव्हती. त्यामुळे शेतकऱ्यांमध्ये गोंधळ निर्माण झाला. तसेच बँकेकडून आपले खातेच गोठवल्याचीही तक्रार काही शेतकऱ्यांनी केली.